Nga alkooli vdesin 3.3 milionë njerëz

Nga pasojat e konsumit të tepërt të pijeve alkoolike gjatë vitit 2012 kanë vdekur më shumë se tre milionë njerëz, më shumë se nga AIDS-i e tuberkulozi, paralajmëroi Organizata Botërore e Shëndetësisë (OBSH - WHO), duke u kërkuar autoriteteve të bëjnë përpjekje më të mëdha kur është fjala për këtë problem

Më shumë se 200 sëmundje janë të lidhura me konsumin e alkoolit, thuhet në raportin e OBSH-së, duke shtuar se ky trend negativ mund të rritet duke pasur parasysh faktin se nga efekti i përdorimin të tepruar të alkoolit në vitin 2005 kanë vdekur 2.5 milionë njerëz.

Sipas OBSH-së, çdo person më i moshuar se 15 vjet konsumon 6.2 litra alkool të pastër, por më pak se gjysma e popullsisë në botë, ose rreth 38 për qind pi me të vërtetë alkool, kështu që ata që e pinë konsumojnë çdo vit rreth 17 litra alkool të pastër.

Njerëzit me një gjendje financiare jo të mirë janë prekur shpesh nga pasojat sociale dhe shëndetësore të konsumit të alkoolit. 

Sipas raportit për konsumin e alkoolit, ku janë të përfshira 194 vende dhe rajone, thuhet se disa prej tyre kanë filluar të punojnë në forcimin e masave që do të sugjerojnë dëmet e alkoolit. 
Këto përfshijnë rritjen e taksave për pijet alkoolike, duke rritur kufirin e moshës për blerjen e tyre dhe të rregullimit të tregut.

OBSH arriti në përfundim se shumica e vendeve duhet të marrë hapa të ngjashëm. 
Ndër të tjera, ajo duhet të forcojë vetëdijen për efektet e dëmshme të alkoolit mbi shëndetin.

Nga perspektiva globale, më së shumti konsumojnë evropianët. Për shembull, një e katërta e meshkujve rusë vdesin pa i mbushur pesëdhjetë vjet, në pjesë e madhe për shkak të alkoolit.

Në mesin e të anketuarve pranuan se konsumojnë tri ose më shumë shishe vodka në ditë.