Nga fundi i shkurtit, internet në avionët zviceranë

Pasagjerët në avionët zviceranë së shpejti do të kenë qasje në internet gjatë fluturimeve me Boeing-un e ri 777- 300ER, i cili është pajisur me teknologjinë e duhur.

Swiss po pret nëntë Boeing të tillë 777-300ER. Pas një jave pritet të aterojë avioni i parë i tillë në aeroportin e Cyrihut. Ende nuk dihet sa do të kushtojë Wi-Fi në aeroplanët zviceranë.

Swiss do t’u ofrojë udhëtarëve të saj internet gjatë fluturimeve tejoqeanike, gjatë fluturimit për në Nju-Jork më 21 shkurt.

Nga kompania kanë bërë të ditur për “20 minute” se destinacione të tjera, në të cilat do të hyjnë në funksion avionët e rinj janë Hong-Kong, Bangkok dhe Los Angeles.

Fluturimet në San Francisco, San Paolo dhe Tel Aviv janë shërbyer edhe disa herë në javë me „Triple Seven“.

Swiss është duke e menduar futjen e një oferte të këtillë edhe në destinacione të shkurtra dhe të mesme në Evropë.

Ata po bashkëpunojnë ngushtë me kompaninë mëmë Lufthansa, thotë zëdhënësi i Swiss, përcjell albinfo.ch.

Që nga viti i kaluar, të gjitha fluturimet interkontinentale të Lufthansës janë të pajisura me qasje në internet.

Gjithnjë e më shumë kompani ajrore janë tani duke ofruar internet në bordin e tyre. Tashmë nuk është risi në linjat ajrore amerikane. Sidomos në fluturime të gjata mes SHBA-së dhe Evropës tani ka Wi-Fi në aeroplan.

Këtë e tregon një vlerësim në routehappy: https://www.routehappy.com/insights/wi-fi.