Ngrihet shtylla e fundit e kullës mbi Ground Zero

Shtylla e fundit prej çeliku e rrokaqiellit të parë që do të inaugurohet në vitin 2013 në vendin e sulmeve të 11 shtatorit në Nju-Jork u vendos të hënën në majë të ndërtesës.

Një mijë punëtorë të përfshirë në ndërtimin e saj kanë marrë pjesë në këtë ceremoni, gjatë së cilës u vendos shtylla ku ishte vendosur flamuri i Shteteve të Bashkuara. “Ndërtimi i Kullës World Trade Center 4 përfaqëson një hap tjetër të madh në përpjekje për të krijuar një dinamikë të re në Qendrën Tregtare Botërore”, ka deklaruar promotori për këtë zhvillim, Larry Silverstein.

Rrokaqielli më i lartë i vendit, ku qëndronin kullat binjake të shkatërruara më 11 shtator 2001, është quajtur “Freedom Tower” (Freedom Tower). Ai duhet të përfundojë në fund të vitit 2013 ose në fillim të 2014-ës dhe do të arrijë lartësinë prej 541 metrash, ose 1776 këmbë (njësia matëse amerikane) që paraqet numrin e viteve të pavarësisë së Shteteve të Bashkuara. Ajo do të jetë më e larta në SHBA.