Sa është real rreziku i asimilimit të shqiptarëve në Mal të Zi

“Kemi ngelur vetëm 5% shqiptarë nga popullata e përgjithshme. Jemi të rrezikuar për sa i përket asimilimit të shqiptarëve..."

Më në fund pas shumë vjetësh një shqiptar që ngre lart flamurin kuq e zi në Mal të zi nuk do të gjobitet.

Qeveria malazeze ka vendosur të lejojë simbolet kombëtare në Mal të Zi. Këshilli Kombëtar i Shqiptarëve në Mal të Zi ka vendosur të përdorë flamurin kombëtar shqiptar si simbolin e tyre në Mal të Zi.

Në një lidhje me skype me emisionin “Shqipëria Live” ne Top Channel, Faik Nika, kryetari i Këshillit Kombëtar tha se shqiptarët në Malin e Zi po përballen me tri probleme madhore. Sipas tij, janë asimilimi, emigrimi dhe numri i vogël i tyre, përcjell Albinfo.ch.

“Kemi ngelur vetëm 5% shqiptarë nga popullata e përgjithshme. Jemi të rrezikuar për sa i përket asimilimit të shqiptarëve. Janë qytetet më pak të zhvilluara aty ku jetojnë shqiptarët. Tuzi krahasuar me Podgoricën ka më pak investime. Meqë kjo u arrit, sfida e ardhshme është hapja e vendeve të punës që shqiptarët në këto treva të mos emigrojnë. Të jenë të integruar në administratë, pasi qasja është shumë e vogël për t’u punësuar”, tha ai.

---