“Njohja e fytyrës” pritet të përdoret më gjerësisht në aeroportet zvicerane

Aktualisht, përdorimi i kësaj teknologjie – kur fytyra e udhëtarit krahasohet me të dhënat e ruajtura në pasaportën biometrike – është vullnetar dhe i kufizuar në kontrollet doganore: pasagjerët në Aeroportin e Cyrihut mund të zgjedhin nëse duan të përdorin këtë proces të automatizuar apo të kalojnë përmes procesit konvencional të kontrollit.

Qeveria po punon për një rishikim të Aktit të Aviacionit, i cili do të mundësonte përdorimin e teknologjisë edhe në zona të tjera të aeroportit, por ende nuk është  një datë e saktë.

Aeroporti i Gjenevës ka blerë tashmë makineri që mundësojnë njohjen e fytyrës për procedurat e check-in-it dhe të sigurisë, por ato ende nuk janë aktivizuar.

Të dy aeroportet, ai i  Cyrihut dhe i Gjenevës theksojnë se përdorimi i teknologjisë së njohjes së fytyrës duhet të mbetet vullnetar.