“Norman Atlantic”, dy marinarë shqiptarë humbën jetën

Dy marinarë shqiptarë, Petrit Jahaj dhe Edmond Hilaj, humbën jetën në përpjekje për të tërhequr tragetin “Norman Atlantic” që u përfshi nga flakët

Ilustrim

Dy marinarë shqiptarë humbën jetën sot në mëngjes, gjatë përpjekjes për t’i evakuuar personat e mbetur në tragetin “Norman Atlantic” i cili u përfshi nga zjarret dy net më par në afërti të ishullit Korfuz të Greqisë. Marinarët humben jetën gjatë përpjekjes për të  rimorkiuar tragetit e aksidentuar.

Marinarët shqiptarë Petrit Jahaj dhe Edmond Hilaj, janë pjesë e ekuipazhit të rimorkiatorit “Iliria”.  Sipas informacioneve paraprake ngjarja ka ndodhur gjatë përpjekjes për të lidhur rimorkiatorin, ndërsa është këputur litari që po përdorej për tërheqjen e anijes, duke i goditur shqiptarët.

Sië raportojnë mediet shqiptare, të plagosurit janë nisur së bashku me 3 persona të tjerë me anijen “Iliria” sot në mëngjes, i cili ishte kontraktuar për t’i ardhur në ndihmë “Norman Atlantic”. Petrit Jaahaj 59 vjeç dhe Edmond Hilaj 57 vjeç janë dy personat të cilët shkuan në ndihmë të tragetit që ndodhet vetëm 3 milje larg Vlorës.

Zëdhënësja e Ministrisë së Mbrojtjes së Shqipërisë, Edlira Prendi, deklaroi se në çastin që po tërhiqej anija, janë këputur dy kavo dhe kanë goditur pjesëtarët e ekuipazhit. Njëri prej tyre ka gjetur vdekjen e menjëhershme, kurse tjetri është plagosur rëndë.

Ndryshe, si pasojë e zjarrit të rënë në tragetin “Norman Atlantic” humbën jetën dhjetë persona, ndërsa 37 të tjerë rezultojnë të zhdukur. Anija italiane e nisur nga Igumenica e Greqisë drejt Ankonës u përfshi nga flaka në afërsi të ishullit Korfuz që gjendet afër bregdetit shqiptar. Në bord gjendeshin rreth 500 persona.