Nuk do të bjerë në gjumë, fëmija i përpin çelësat

I revoltuar se prindërit donin ta çonin në dhomën e gjumit, 5 vjeçari i merr dy çelësa dhe i përpin ata

Një vogëlush 5 vjeçar në La Chaux-de-Fonds, në shenjë proteste ndaj prindërve që po e detyronin të binte në gjumë, ka përpirë dy çelësa!

Ishte ora 20 e 30 kur prindërit insistonin ta çonin në dhomën e gjumit, ndërsa Logani i vogël insistonte të mos flinte. Si dënim për sjelljen e tij kryneçe, prindërit e detyrojnë të qëndrojë në këmbë në një kënd të dhomës. I revoltuar, ai i merr dy çelësa dhe i përpin ata.

Të alarmuar, prindërit e dërgojnë Loganin në spital. Mjekët fillimisht shpresojnë se ai do t`i nxjerrë çelësat jashtë me jashtëqitije dhe heqin dorë nga ndërhyrja kirurgjike. Por, kur më vonë vogëlushi fillon të ketë dhimbje të tmersme të barkut dhe temperatura ngrihet në 39 gradë, çështja bëhet më serioze. Një fotografi e bërë rëntgeni tregonte se çelsat nuk kanë lëvizur nga vendi. kështu, të enjten e javës që shkoi, Logan iu nënshtrua operacionit për nxjerrjen e çelësave dhe çdo gjë rrodhi ashtu si duhet.