Lajme
Nuk e lënë të hyjë në Gjermani, shqiptari rrah dy policë në Aeroportin e Berlinit
Gjatë kontrollit, shqiptari ka bërë rezistencë, duke goditur me grusht në fytyrë një polic, i cili ka pësuar një hematomë dhe disa gërvishtje në krah

Të shtunën pasdite, një person ka sulmuar fizikisht dy policë të policisë federale në aeroportin e Brandenburgut të Berlinit, transmeton albinfo.ch. Ai ka goditur me grusht në fytyrë njërin dhe ka ngufatur policin tjetër.
Për shkak të refuzimit që i është bërë për të hyrë në Gjermani, një shtetas shqiptar ka qëndruar në zonën e tranzitit të Aeroportit të Brandenburgut të Berlinit deri në fluturimin e kthimit për në Tiranë (Shqipëri). Atje ai pinte duhan vazhdimisht dhe ka kryer disa vjedhje, shkruan ots.de.
Pastaj, sipas një vendimi gjyqësor, 31-vjeçari duhej të dërgohej në masën parandaluese deri në ekzekutimin e dëbimit nga Gjermani. Gjatë kontrollit, shqiptari ka bërë rezistencë të konsiderueshme dhe ka goditur me grusht në fytyrë një polic, i cili ka pësuar një hematomë dhe disa gërvishtje në krah.
Për vetëmbrojtje, policia federale i ka vënë pranga sulmuesit.
Pasi ndërkohë u duk se u qetësua dhe ishte bashkëpunues, një polic deshi t`ia hiqte prangat. Por, shtetasi shqiptar ka sulmuar sërish policët dhe ka ngufatur (i ka zënë frymën) një polic, transmeton albinfo.ch. Sidoqoftë, polici mundi të dilte nga situata dhe shpëtoi i padëmtuar.
Policia Federale nisi hetimet ndaj personit në fjalë për dyshimin për rezistencë ndaj punonjësve të zbatimit të ligjit dhe sulm fizik ndaj tyre.
Shtetasi shqiptar është mbajtur në paraburgim nga policia deri në fluturimin e planifikuar të kthimit për në Shqipëri të dielën pasdite, përcjell albinfo.ch.
Të ngjashme
Të tjera nga Lajme
E-Diaspora
-
Kurti takon kandidatët shqiptarë në zgjedhjet e Zvicrës Kryeministri i Republikës së Kosovës, Albin Kurti, së bashku me ministrin e Kulturës, Rinisë dhe Sportit,...
-
Mbi 250 mijë bashkatdhetarë ishin gjatë kësaj vere në Kosovë
-
“Prishtinë 2002”, në ekranet e festivalit më të madh të filmit në Islandë
-
Nga këndet e lojërave te politika arsimore: Shqipja si gjuhë kombëtare e Zvicrës?
-
Piktori shqiptar, pjesë e “Art Athina 2023”, evenimenti më i madh vjetor i artit në Greqi
Jeta në Zvicër
-
Mbi 100 mijë njerëz nënshkruan kërkesën për ndalimin e fishekzjarrëve Më shumë se 100,000 njerëz miratuan dhe nënshkruan nismën popullore duke e kërkuar ndalimin e fishekzjarrëve,...
-
Kurti takon kandidatët shqiptarë në zgjedhjet e Zvicrës
-
Ndërpritet shitja e bunkerëve të papërdorur të Zvicrës
-
Pesë të plagosur, pasi autobusi i aeroportit të Bazelit frenoi vrullshëm
-
Zvicra mbështet aspiratën e Kosovës për t’u anëtarësuar në Këshillin e Evropës