Numri i binjakëve në Zvicër pothuajse është dyfishuar

KEYSTONE)

Shkalla e lindjeve të binjakëve pothuajse është dyfishuar, sipas një studimi të realizuar në vendet e pasura që nga vitet ’70-a.

Në Zvicër, numri i 8.8 në një mijë lindje në vitin 1970, u rrit në 16.4 në vitin 2005, shkruajnë hulumtuesit.

Në vendet e tjera të pasura një trend i ngjashëm është regjistruar, siç është e dukshme nga studimi i publikuar në revistën “Population and Development Review”, transmeton albinfo.ch.

Në Danimarkë numrin u rrit në periudhën 1975-2011 nga  9.6 në 21.2 lindje binjake, në Korenë e Jugut nga 5 deri në 14.6. Në Kili, megjithatë, në vitet 1975-2005 numri u rrit vetëm nga 7.7 në 8.8.

Hulumtuesit kanë vënë në duke një rritje të konsiderueshme në vendet e pasura me përdorimin në rritje të mbarësimit artificial që nga vitet 1970.

“Ne nuk jemi të sigurt nëse numri vazhdon të rritet, por të dhënat flasin për një krizë të shëndetit publik”, tha bashkautori Gilles Pishon, nga instituti i hulumtimit francez „Ined“.

Lindjet e binjakëv nuk janë të rrezikshme vetëm për nënat, por edhe binjakët që janë lindur parakohe  shpesh kanë një peshë të vogël të lindjes dhe vdesin më lehtë në fëmijëri.

Nga 32 vende ku është zhvilluar studimi, norma e lindjeve të binjakëve ishte më e larta në vitin 2005 në Qipro, në Danimarkë dhe Greqi. 22.7, përkatësisht 22.4 në një mijë lindje ishin binjakë.