Numri i turistëve në Kosovë në rritje, Peja me numrin më të lartë të vizitorëve

Agjencia e Statistikave të Kosovës, në të dhënat e publikuara ka njoftuar se në muajin gusht, numri i vizitorëve (vendorë dhe të huaj) ishte 71 mijë e 232, prej të cilëvve 35,83 për qind, vendas dhe 64,17 për qind të jashtëm.

Krahasuar me muajin gusht të vitit 2022 (sa ishin 60 mijë e 952 vizitorë) kishte rritje të numrit të përgjithshëm të vizitorëve për 16,7 për qind.

Sipas ASK numri i net-qëndrimeve ishte 166 mijë e 377, prej tyre 44,5 për qind nga vendasit dhe 55,95 për qind nga të huajt, përcjell albinfo.ch.

Sipas kësaj agjencie numri i vizitorëve të brendshëm dhe net-qëndrimet e tyre sipas rajoneve, numrin më të madh të vizitorëve te brendshëm e ka rajoni i Pejës.

“Numrin më të madh të vizitorëve te brendshëm e ka rajoni i Pejës me 8036 vizitorë dhe 35149 net-qëndrime”, thuhet në raport.

Ndër të tjera, ASK njofton se sa u përket vizitorëve të huaj, krahasuar me periudhën paraprake ka rritje të vizitorëve për 6,37%.

Në total 45 mijë e 711 vizitorë të huaj, nga të cilët numri më i madh është nga Gjermania, Shqipëria, Zvicra etj.