OEK: Kosova ka shënuar rënie të investimeve të huaja direkte

Oda Ekonomike e Kosovës është kundër rritjes së pagës minimale. Kryetari OEK-ut ka thënë se sektori privat po ndikohet nga rritja e pagave në sektorin publik. Ai pohoi se nuk ka asnjë logjikë që Kuvendi ta përcaktojë pagën minimale.

Kryetari i Odës Ekonomike të Kosovës ka thënë se Kosova ka shënuar rënie të investimeve të huaja direkte.

Në këtë konferencë u shpalos edhe një hulumtim, i cili tregonte vështirësitë që hasin bizneset vendore gjatë eksportit. Sipas këtij hulumtimi, 10% e kompanive nuk eksportojnë, kurse 82% kanë deklaruar se produktet e tyre plotësojnë standardet e kërkuara nga BE-ja, transmeton albinfo.ch.

Drejtuesit e OEK-ut kanë thënë se tregjet më të lehta për eksport të produkteve kosovare në nivelin rajonal mbesin ato të Shqipërisë dhe Maqedonisë së Veriut. Ndërsa, në tregun e Bashkimit Evropian janë: Gjermania, Zvicra, Belgjika, Italia, Holanda, Suedia, Greqia, Sllovenia e Franca.