Pandemia nuk e ka sfiduar rendin ekonomik të Zvicrës

Tomek Baginski

Pavarësisht parashikimeve për të kundërtën, pandemia nuk e ka “sfiduar kurrë rendin ekonomik të vendit”, sipas Jan-Egbert Sturm, një ekonomist në Institutin Politeknik të Cyrihut (ETH), transmeton albinfo.ch.

“Ne e kemi përballuar krizën shumë më mirë nga sa pritej nga shumë ekspertë. Sigurisht që ka pasur shkurtime të dhimbshme, por jo shumë trazira të mëdha”, tha ai në një intervistë me SonntagsBlick.

Sturm ia atribuon këtë qëndrueshmëri “strukturës së ekonomisë sonë”.

“Sektore të rëndësishme industriale, veçanërisht industria farmaceutike, i kanë rezistuar mirë pandemisë. Për më tepër, masat e marra nga Këshilli Federal nuk e kanë paralizuar kurrë gjithë ekonominë tonë”.

Megjithatë, ai pranoi se pandemia ka ndikuar në disa sektorë, veçanërisht në industrinë e hoteleve dhe restoranteve.