Papunësia, më e lartë në janar

Në janar, në Zvicër, papunësia është rritur përsëri. Bëhet fjalë për 3.8 për qind të papunëve, niveli më i lartë në gjashtë vjetët e fundit. Edhe në muajin e kaluar norma e papunësiës ishte 3.7 për qind.

Papunësia sezonale nuk ka ndryshuar, tregojnë të dhënat më të reja të publikuara nga Sekretariati i Shtetit për Çështje Ekonomike (SECO).

163’644 persona janë regjistruar në janar në qendrat rajonale të punësimit  RAV. Kjo është rreth 5,000 më shumë se muajin e kaluar. Në krahasim me të njëjtin muaj të vitit të kaluar, janë 12.600 njerëz më shumë të pa punë. Do të thotë janë 8.4 për qind më shumë.

Për të rinjtë e moshës midis 15 dhe 24 vjeç janë regjistruar 21’100  të papunë. Papunësia e të rinjve u rrit me 2.7 për qind krahasuar me muajin dhjetor, respektivisht 8.6 për qind në krahasim me janarin e  vitit të kaluar.