Parlamenti i Holandës hedh poshtë planin e BE-së për riarmatim

pixabay

Parlamenti holandez hodhi poshtë sot planin e riarmatimit të Komisionit Evropian.

Vetëm javën e kaluar, udhëheqësit e BE-së, përfshirë kryeministrin holandez Dick Schoof, miratuan planin e riarmatimit me vlerë miliarda euro, përcjell albinfo.ch.

Megjithatë, anëtarët e parlamentit holandez nga tre nga katër partitë e koalicionit kanë votuar kundër planit, duke përfshirë Partinë radikale për Liri (PVV) të udhëhequr nga populisti i krahut të djathtë, Geert Wilders.

Kritika kryesore nga partitë është financimi i mundshëm përmes rritjes së borxhit kombëtar.

Vetë Wilders gjithashtu ka mbajtur një qëndrim të ashpër ndaj planit të BE-së.

Wilders deklaroi në Hagë se kryeministri Schoof tani duhej të tërhiqte miratimin e tij në Bruksel.

“Kështu duhet të jetë në një demokraci,” tha ai.

Çështja e mbrojtjes ndan më tej qeverinë e djathtë tashmë të paqëndrueshme të vendit.

Partia Popullore konservatore-liberale për Liri dhe Demokraci (VVD) – partia e sekretarit aktual të Përgjithshëm të NATO-s Mark Rutte, dhe ish-kryeministër i Holandës ka mbështetur planin e BE-së.

“Do të ishte e papërgjegjshme që Holanda të tërhiqte tani mbështetjen e saj”, thanë anëtarët e parlamentit të VVD.

Qeveria holandeze synon të përgjigjet në një datë të mëvonshme