Parlamenti zviceran zgjedh sot dy këshilltarë të rinj federalë

Me largimin e ministrit të Financave Ueli Maurer dhe Ministres së Transportit dhe Mjedisit Simonetta Sommaruga më 31 dhjetor, dy anëtarët e rinj të kabinetit do të zgjidhen nga deputetët sot nga katër që kishin paraqitur kandidaturat e tyre për postet, përcjell albinfo.ch.

Këshilli Federal përbëhet nga shtatë anëtarë, secili drejton një ministri të veçantë dhe përfaqëson parti të ndryshme politike, në mënyrë që balanca e pushtetit të pasqyrojë atë të parlamentit.

Meqenëse Maurer është nga Partia Popullore Zvicerane (SVP) dhe Sommaruga nga Partia Socialdemokrate (SP) , këshilltarët e mundshëm do të zgjidhen nga këto parti.

Albert Rösti dhe Hans-Ueli Vogt po konkurrojnë për postin e Maurer, ndërsa Eva Herzog dhe Elisabeth Baume – Schneider për Sommaruga.