Për Shaqirin 13 milionë euro, plus paga vjetore 2.5 milionë!

Nëse llogariten të gjitha së bashku, përbëjnë rekord të deritashëm për ligën turke

Xherdan Shaqiri, edhe zyrtarisht në negociata me klubin turk Galatasaray. Këtë e konfirmojnë burimet turke të portalit deutsch Türkische Nachrichten në gjuhën gjermane, sipas të cilave për yllin shqiptaro-zviceran janë ofruar 13 milionë euro, krahas një page prej 2.5 milionë eurosh në vit. Kontrata do të ishte e vlefshme për pesë vjet. Këto shuma të marra së bashku, përbëjnë rekord të deritashëm për ligën turke.

Klubi nga Stambolli ka filluar zyrtarisht negociatat me FC Baselin lidhur me angazhimin e Xherdan Shaqirit.

“Shaqiri dëshiron të vijë te ne, dhe ne e dëshirojmë atë në mesin tonë.tashmë jemi marrë vesh rreth pikave më të rëndësishme të kontratës”, ka thënë kryetari i klubit Galatasaray, Ünal Aysal.