Përdedaj transferohet në Frankfurt

Mesfushori shqiptar Fanol Perdedaj ka gjetur klubin e ri. Të mërkurën ai është prezantuar tek skuadra e re “FSV Frankfurt” në bundesligën e dytë gjermane. 23 vjeçari kosovar u transferua nga ekipi i ligës së tretë gjermane, Energie – Couttbus.

Përdedaj me klubin e ri ka nënshkruar kontratë dy vjeçare deri në vitin 2017.

Trajneri i FSV Frankfurtit, Thomas Oral, e ka vlerësuar si të çmueshme ardhjen e Fanolit në ekip duke llogaritur përvojën e tij në kampionatin danez ku ai në sezonin 2012-2013 luajti tek ekipi “Lyngby BK”, pastaj

përvojën që e kaloi te Cottbus si dhe paraqitjet e tij me përfaqësuesen e Kosovës.
“Fanoli është i talentuar, një lojtar i ri dhe më përvojë ndërkombëtare. Ai mund të luaj si mesfushor por edhe si mbrojtës”, ka thënë Thomas Oral për mediat gjermane, përcjell “albinfo.ch”

I gatshëm për sfida të reja shprehet edhe vet Fanoli. “Pas përvojës sime në Danimarkë dhe në Cottbus, për mua është një shanse e mirë për të treguar vetën edhe në bundesligen e dytë. Jam i gatshëm për sfida”, ka nënvizuar ai.

---