Përmeti, qyteti më i qetë në Shqipëri

Përmeti është një qytet më paqësor i Shqipërisë, ku qytetaria ka fituar mbi krimin, pasi që gjatë vitit 2015, nuk është regjistruar asnjë procedim penal

Shqipëria njihet si vendi me numrin relativisht të madh me raste kriminale, por është një qytet i vigël që demanton këto perceptime. Përmeti është një qytet juglindor në Shqipëri, ku qytetaria ka fituar mbi krimin, pasi që gjatë vitit 2015, nuk është regjistruar asnjë procedim penal.

Raporti i Prokurorisë së Përgjithshme zbardh në përqindje numrin e çështjeve penale të regjistruara nga Prokuroritë e Shkallës së Parë në Rrethe. Sipas raportit, numrin më të lartë e ka Prokuroria e Tiranës me 31 për qind të numrit të procedimeve në rang vendi, e ndjekur nga Prokuroria e Elbasanit me 8 për qind.

Ndërsa Prokuroria e Vlorës, Shkodrës dhe Durrësit kanë nga 7 për qind të numrit të procedimeve penale, raporton NOA.

Në rrethet me numër më të ulët të çështjeve të regjistruara, përveç rastit të Përmetit, janë Prokuroritë e Pukës, Pogradecit, Matit, Kavajës e Tropojës, me nga 1 për qind. Ky raport po ashtu tregon se Shqipëria e veriut, që dikur ka qenë qendra e gjakmarrjes, tregon për nivel më të ulët kriminal, transmeton Albinfo.Ch.