Policia përdor plumba gome mbi demonstruesit kundër SVP-së

Policia ishte në terren me një kontigjent të madh dhe ka përdorur plumba gome kundër rreth 30 demonstruesve

Në lidhje me manifestimin “SVP bi de Lüt in Basel”, të shtunën është zhvilluar në Bazel një demonstrim i grupit majtist “Basel Nazifrei”.

Ky grupim e konsidron partinë SVP si ekstremiste dhe prandaj do ta luftojë praninë e saj në Baselstadt.

Policia ishte në terren me një kontigjent të madh dhe ka përdorur plumba gome kundër rreth 30 demonstruesve.

Ka pasur arsye të ndryshme përse atmosfera ishte kaq e ngarkuar, thonë raportuesit e srf.ch: “Ka pasur zëra që e kanë përshkruar qytetin dhe Kantonin e Bazelit (Basel-Stadt) si një zonë pa SVP, transmeton albinfo.ch. Natyrisht, kjo nuk është plotësisht e vërtetë: SVP ka përfaqësues në nivel kantonal. Në nivel kombëtar, nga ana tjetër, deputeti i fundit nga kjo zonë është votuar në vitin 2019.

Përveç kësaj, në Bazel ka kohë që po diskutohet se si sillet policia gjatë demonstratave. “Ajo akuzohet se nuk ka marrë masa të mjaftueshme për dhunën e krahut të majtë”.

Në Basel-Stadt ka pasur edhe dëme masive në pronë gjatë demonstratës së 1 majit të këtij viti. “Shefi i policisë kishte thënë më pas se ata do të merrnin masa më të ashpra”.

Pastaj nuk duhet harruar se emra të mëdhenj të SVP-së ishin sot në Bazel, me këshilltarin federal Ueli Maurer, këshilltaren kombëtare të SVP-së Magdalena Martullo-Blocher dhe kreun e partisë Marco Chiesa.

Në organizimin e mbajtur nga kjo parti ishin gjithsej rreth 150 persona.

---