Policia rrethon shtëpinë ku është barrikaduar një i armatosur

Së paku një person është barrikaduar në një shtëpi në Malters që e ka rrethuar policia që nga pasditja e të martës, njofton policia e Lucernit. Raportohet se ka pasur të shtëna. Mbetet e paqartë nëse në ndërtesë ka edhe njerëz tjerë. Një zëdhënës policie nuk ka dashur të japë informacione nëse personi i barrikaduar është i armatosur ose jo, shkruan sda.ch.

Megjithatë, gazeta Luzerner Zeitung, duke iu referuar një personi në fqinjësi me vendin e ngjarjes, shkruan se një person ka qëlluar me armë nga dritarja e ndërtesës së përmendur.

Policia nuk pranon të tregojë qëllimin e rrethimit të shtëpisë, me arsyetimin se këtë do ta bëjë pas përfundimit të aksionit, transmeton albinfo.ch.

Rreth shtëpisë së përmendur, krahas policëve, në gjendje gatishmërie janë edhe autoambulancat.