Portet shqiptare do të përmirësojnë konkurrencën

Portet shqiptare do të reduktojnë disa shpenzime për anijet për të konkurruar me vendet e rajonit.

Ministri i Transportit të Shqipërisë, Edmond Haxhinasto, mori pjesë në analizën vjetore të katër porteve dhe tha se në të ardhmen e afërt me planet e reja tarifore do të rrisin mundësinë e konkurrencës së porteve shqiptare në rajon, raportojnë mediat e Tiranës, përcjell albinfo.ch.

Ai beson se ka ardhur koha që të ketë një qasje më komerciale për të rritur konkurrencën në rajon.

Ministri Haxhinasto theksoi se pavarësisht rezultateve të mira, sfidë mbetet përmirësimi i shërbimeve, veçanërisht në zhvillimin e strategjive specifike për rritjen e vëllimit të mallrave.