Postë misterioze prej 100 kg. kokainë

Këto dërgesa kanë përfunduar gabimisht në Zvicër, që dmth. ky vend nuk ishte destinacioni i tyre

Dërgesa misterioze kokaine kanë ardhur të postuara në adresa të ndryshme firmash në disa kantone të Zvicrës, brenda pak ditëve të fundit, njofton drs.ch. Bëhet fjalë për gjithsej 100 kilogramë të kësaj lënde narkotike që ka ardhur e postuar bashkë me mallra tjera, nga dërgues të panjohur, sipas të gjitha gjasave të Amerikës së Jugut.

Nga hetimet e para të policisë zvicerane rezulton se këto dërgesa kanë përfunduar gabimisht në Zvicër, që dmth. ky vend nuk ishte destinacioni i tyre.

Sasia më e madhe, 70 kg kokainë brenda një dërgese, është shënuar në Emmental. Ndërsa në Landquart të Graubündenit kanë ardhur të postuara 20 kg dhe në Oberthurgaz 10 kg.