Presidentja e Kosovës takon të rinjt shqiptarë në Austri

Presidentja e Kosovës, Vjosa Osmani po qëndron në Graz të Austrisë në kuadër të Forumit Evropian Alpbach 2023.

Para këtij eventi ajo ka takuar të rinjt shqiparë që ndodhen në Austri.

“Një mëngjes frymëzues në Alpet austriake me të rinjtë e jashtëzakonshëm shqiptarë para Forumit Evropian Alpbach 2023”, ka shkruar Osmani, përcjell albinfo.ch.

Presidentja e Republikës së Kosovës, Vjosa Osmani Sadriu, ka udhëtuar për në Alpbach, Austri, për të marrë pjesë në edicionin e sivjetëm të Forumit Evropian Alpbach 2023.

Ajo do të jetë folëse në panelin kryesor në hapje të forumit i cili këtë vit fokusohet në rishikimin e politikës aktuale të zgjerimit, adresimit të sfidave aktuale politike dhe të sigurisë, si dhe avancimin e Kosovës në rrugën drejt integrimit evropian.

 Osmani do të ketë një bashkëbisedim me të rinjtë bursistë të Forumit Evropian nga rajoni, diaspora dhe bota, me fokus në zhvillimet e fundit në vend, por dhe qëndrimin e Kosovës karshi zhvillimeve politike në Evropë dhe përtej, përcjell albinfo.ch.