Presidentja Widmer-Schlumpf hap sallonin e veturave

Hapja e sallonit pikërisht në ditën e gruas, që ishte një rastësi, nuk ka kaluar pa u "regjistruar" nga presidentja

Presidentja e Zvicrës, Eveline Widmer Schlumpf ka bërë sot hapjen solemne të Sallonit Ndërkombëtar të Automobilave në Gjenevë. Hapja e sallonit pikërisht në ditën e gruas, që ishte një rastësi, nuk ka kaluar pa u “regjistruar” nga presidentja.

Me këtë rast ajo ka thënë se roli i gruas në automobilizëm nuk kufizohet më vetëm në ulësen pranë shoferit. Gratë përbëjnë një segment me rëndësi të klientelës së prodhuesve të automobilave, ka thënë ajo.

Në pledoajenë e saj, Widmer-Schlumpf ka folur për makinat me alternative dhe ka kërkuar një balancë në mes të hekurudhës dhe automobilave.

Në Sallonin e sivjetmë në trend është “ngasja e gjelbër” dhe kthimi nga veturat e vogla.

Ajo ka ndaluar më shumë në “Pavillon Vert” (Pavijoni i gjelbër) për të shikuar risitë dhe zbulimet në fushën e mobilitetit ekologjik. Në po këtë pavijon ka qenë edhe guvernatori i Kalifornisë dhe aktori i njohur Arnold Schwarzeneger, njoftojnë mediet zvicerane.

Salloni i automobilave në Gjenevë do të qëndrojë i hapur deri më 18 mars dhe do të prezantojë rreth 180 premiera evropiane dhe botërore.

Organizatorët presin mbi 700 mijë vizitorë.