Prishtina shpallet kampion i Ballkanit në basketboll

Klubi i Sigal Prishtinës ka fituar trofeun më të madh në historinë e basketbollit kosovar, duke u shpallur fituese e ligës ballkanike.
Klubi nga kryeqyteti ka hyrë në histori si klubi i parë kosovar që fiton titull në një garë rajonale, pasi mposhti Rilskin e Bullgarisë me rezultat 80 me 71.
Ndeshjen e parë, të luajtur të martën e kaluar në palestrën e stërmbushur me shikues në Prishtinë, e fitoi kampionia e Kosovës me dy pikë dallim, 74:72.
Tifozët e shumtë prishtinas janë duke festuar titullin e Ligës Ballkanike në qytetin bullgar, Samokov, ndërkohë edhe kryeqyteti i Kosovës është i tëri në festë.