Del nga pista aeroplani, mbyllet Aeroporti i Prishtinës

Një aeroplan i kompanisë Turkish Airlines, i linjës Amerikë-Turqi-Prishtinë ka dal nga pista në Aeroportin e Prishtinës, si pasojë e të reshurave të mëdha të shiut

Si pasojë e reshjeve të mëdha të shiut, sonte në Aeroportin “Adem Jashari” në Prishtinë, ka dalë nga pista një aeroplan i fluturimit Turkish Airlines nga Stambolli, por nuk pa pasur pasoja. Sipas burimeve nga aeroporti, aeroplani në aterrim e ka shmangur pistën, por fatmirësisht nuk ka pasur pasoja.

Nga ky aksident nuk ka të lënduar, por thuhet se aeroporti do të mbyllet për disa orë, derisa të evakuohen pasagjerët dhe të zhvendoset aeroplani.

Valentina Gara, zëdhënëse e Aeroporti të Prishtinës ka thënë se aeroporti do të jetë i mbyllur deri sa të përfundojnë hetimet fillestare teknike. Sipas saj, në vendin e ngjarjes ka dal njësia e zjarrfikësve. Të gjithë pasagjerët kanë dalë nga aeroplani dhe fluturimi është anuluar.