Produkte “puro” shqiptare

Në Tiranë është hapur “Panairi i prodhimeve shqiptare” në të cilin po ekspozohen dhe shitem më shumë se 5500 artikuj të prodhuara nga shqiptarët e Ballkanit

Prodhuesit e të gjitha trevave shqiptare janë bashkuar në Tiranë në “Panairin e prodhimeve shqiptare” për t’i promovuar të gjitha produktet e që prodhohen nga shqiptarët në Ballkan. Ky panair po marrin pjesë prodhues nga Shqipëria, Kosova, Maqedonia, Lugina e Preshevës dhe Mali i Zi.

“Panairi i prodhimeve shqiptare” është organizuar nga Aleanca Kosovare e Bizneseve (AKB), Këshilli i agrobiznesit shqiptarë (KASH), Bashkia e Tiranës dhe Ministria e Financave të Kosovës. Qëllimi është që të promovohen dhe të blihen prodhimet mbarëshqiptare “puro shqiptare’.

Në këtë panair, siç raportojnë mediet shqiptare, po marrin pjesë më shumë se 100 kompani nga të gjitha trojet shqiptare, duke prezantuar mbi 5.500 produkte të ndryshme.

Me këtë rast, kryetari i AKB-së, Agim Shahini, ka thënë se Tirana është bërë pikë e përbashkët, ku kanë ateruar gjithë trevat shqiptare për të promovuar vlerat kombëtare, për të menduar, për të fol dhe për të blerë e konsumuar shqip.

Lulëzim Basha, kryetari i Bashkisë së Tiranës, ka thënë se promotori i zhvillimit ekonomik të një shteti janë kompanitë prodhuese dhe për këtë institucionet lokale dhe qeveritare duhet të bëjnë më shumë për këtë sektor të cilit i mungon zhvillimi, kurse mungojnë shumë produkte shqiptare të cilat zëvendësohen nga importi.

Ndërsa Besim Beqaj, ministër i Financave të Kosovës, ka theksuar se institucionet shtetërore të Kosovës dhe Ministria e Financave janë të përkushtuara që të bëjnë më shumë për sektorin privat në mënyrë që qytetarëve t’iu ofrojnë më shumë produkte cilësore, duke qenë konkurrent ndaj atyre të huaja.