Pse disa qytete zvicerane harxhojnë shumë energji

Studim, këto janë qytetet që harxhojnë më shumë energji

Pothuajse 60 për qind e 1.8 milionë ndërtesave të banimit në Zvicër ngrohen me gaz ose naftë, zbulon një studim i ri, njofton albinfo.ch.

Kjo përbën një problem real, pasi kostoja e ngrohjes është në rritje, ndërkohë që furnizimi me energji mund të jetë më i ulët në muajt e ardhshëm.

Një analizë e re nga Zürcher Kantonalbank zbuloi se Gjeneva ka përqindjen më të lartë (93 përqind) të ndërtesave me konsum të lartë energjie, e ndjekur nga Biel (91) dhe Berna dhe Lucerni (86).

Këto janë kryesisht ndërtesa të vjetra të vendosura në qendrat e qyteteve, që ngrohja e tyre është kryesisht me gaz ose naftë dhe për këtë arsye janë qytetet që harxhojnë më së shumit energji në shtetin e Zvicrës. /Albinfo.ch

---