Qëllohet me armë kosovari, në ikje i digjet vetura!

Natën e mbrëmshme kanë ndodhur të shtëna armësh në mes të shtetasve kosovarë në Spreitenbach, në kantonin Aargau. Pasi që i sulmuari ka dashur të ikte me veturën e tij, ka shpërther zjarri dhe makina është djegur tërësisht. Për fat, ngasësi i saj ka mundur të dilte pa bartur pasoja, shkruajnë mediet zvicerane sot

Mediet shkruajnë se skenat që janë parë mbrëmë kanë qenë «të denja për Hollivud». Para orës 4 të mëngjesit, një kosovar 37 vjeçar kishte qëlluarme armë mbi bashkëvendësin e tij po ashtu 37 vjeçar, i cili po rrinte në veturën e tij, mercedes, transmeton albinfo.ch. Ndonëse ky i fundit arrin të ikë nëpër autostradë, pak para se të hnyte në tunelin Bareg në makinën e tij nga shkaqe të panjohura shpërthen zjarri. Makina digjet në tërësi.

Policia e alarmuar nga ai ka shkuar në vendin e ngjarjes dhe ka konstatuar se përveç disa gërvishtjeve të lehta, personi i sulmuar nuk kishte pësuar ndonjë lëndim, përcjell albinfo.ch. Pak më vonë policia ka kapur personin që ka gjuajtur me armë dhe e ka arrestuar atë. Në makinën e tij është gjetur një pistoletë e mbushur. Ai bashkë me një person tjetër që kishte qenë bashkë me të, një 43 vjeçar, po mbahen në burg. Ndaj të parit prokuroria ka iniciuar hetime penale.