Qeveria kundër iniciativës “Ecopop”

Iniciativa, nën pretekstin ekologjik, kërkon që të vendoset një prag strikt prej 0.2% të të huajve që mund të lejohen në Zvicër brenda një viti

Këshilli Federal, ashtu siç edhe është pritur, u rekomandon votuesve që të hedhin poshtë iniciativën “Ecopop”, që drejtohet kundër “mbipopullimit” të Zvicrës. Këshilli refuzon po ashtu që të japë një kundërpropozim ndaj kësaj iniciative, për ta hedhur në votim. Departamenti për drejtësi dhe polici (EJPD) do të përpunojë një rekomandim deri në vjeshtë, bëhet e ditur në një komunikatë të tij.

Iniciativa me emërtimin e plotë “Stop mbipopullimit – për sigurimin e burimeve natyrore të jetës”, nën pretekstin ekologjik, kërkon që të vendoset një prag strikt prej 0.2% të të huajve që mund të lejohen në Zvicër brenda një viti. Një qëndrim i tillë është në kundërshtim me marrëveshjen për lëvizje të lirë që ka Zvicra me BE-në, ka deklaruar qeveria të mërkurën, shkruan nzz.ch.

Më tutje në kumtesën e qeverisë thuhet se marrë në tërësi, politika zvicerane e migracionit është dëshmuar në praktikë dhe për këtë arsye ajo e hedh poshtë iniciativën.