Radari më fitimprurës: Mbi 8 milionë franga, për gjashtë muaj

Bëhet fjalë për vendin në autostradën afër kufirit italian. Prej janarit deri në qershor të vitit 2016, rreth 2.462.000 automjete janë zbuluar

(KEYSTONE//Ti-Press/Carlo Reguzzi)

Një radar e ka pasuruar Kantonin Tesin. Për një vit e gjysmë radari në autostradën A2 në Balerna ka shkrepur 68 mijë herë, duke sjellë një rekord të dënimeve. Shuma totale e dënimeve arriti në 8 milionë franga zvicerane.

Bëhet fjalë për vendin në autostradën afër kufirit italian. Prej janarit deri në qershor të vitit 2016, rreth 2.462.000 automjete janë zbuluar. Në 3167 raste, shkeljet ishin “të rënda”, citon “blick” policinë e kantonit.

Kufiri i shpejtësisë ishte 100 kilometra në orë.

Shpejtësia më e lartë e regjistruar ishte 199 km / h, ndërsa shoferi ishte shfaqur në prokurori si ngasës i shpejtë „raser“.

Një radar në autostradën A13 në San Vittore GR kishte mbledhur 6.5 milionë franga zvicerane, por gjatë tërë gjithë vitin 2013.