Rashica i lumtur që kaloi periudhën e vështirë

“Ky është niveli ku dua të arrij. Muajt e fundit kanë qenë të vështirë. Në dy ndeshjet paraardhëse, nuk isha as i grumbulluar. Ishte e vështirë, kjo është Vitesse që të gjithë duam të shohim”, u shpreh Milot Rashica

Mesfushori kosovar, Milot Rashica nuk ka shkëlqyer si edicionin e kaluar. Ai kishte disa probleme edhe me lëndime, që ia vështirësuan të dëshmojë më së miri aftësitë e tij, shkruan albinfo.ch.

Megjithatë, në ndeshjen e fundit ka bërë një paraqitje shumë të mirë, duke u zgjedhur edhe në ekipin më të mirë të javës në Holandë. Ai asistoi në fitoren 3:1 ndaj Zwolles.

Rashica ishte i lumtur për këtë vlerësim, derisa kaloi një periudhë mjaft të vështirë. “Ky është niveli ku dua të arrij. Muajt e fundit kanë qenë të vështirë. Në dy ndeshjet paraardhëse, nuk isha as i grumbulluar. Ishte e vështirë, kjo është Vitesse që të gjithë duam të shohim. Tifozët ishin të mrekullueshëm dhe kishim nevojë për ta. Kjo duhet të jetë pika e kthesës për ne”, u shpreh Rashica pas ndeshjes.