“Revenge”, do të quhet kënga më e re e Eminem dhe Pink

“Revenge” quhet kënga e re mes reperit Eminem dhe këngëtares Pink, e cila pritet të publikohet me videoklip në tetor.

Gjatë muajit të shkuar është raportuar se reperi Eminem dhe këngëtarja Pink do ta publikojnë një këngë të re. Mediat amerikane kanë zbuluar se kënga në fjalë do të titullohet “Revenge”.

Është raportuar se kënga do të shoqërohet edhe me videoklip. Stilisti i këngëtares ka postuar fotografi nga një vend, ku dyshja thuhet se po filmonte një video muzikore, përcjell albinfo.ch.

Muajin e shkuar, Tony Travatto nga iHeartMedia në Michigan njoftoi bashkëpunimin mes Eminemit dhe Pinkit. Kjo dyshe ka bashkëpunuar edhe më parë në këngën ” Won’t Back Down” në vitin 2010 dhe “Here Comes the Weekend” në vitin 2012.