Rezultatet paraprake dhe fituesit e parë të zgjedhjeve

Ilustrim

Numërimi i deritashëm i votave edhe pse është ende në fillim, e vërteton trendin e paralajmëruar të “rrëshqitjes nga e djathta”, së paku në disa prej kantoneve. Në Aargau dhe në Graubünden partitë SVP dhe FDP janë duke prirë me rezultate. Në Aargau madje në një komunë të vogël SVP ka fituar me 60%. Ndërsa partia BDP e ministres Eveline Widmer-Schlumpf ka humbur në kantonin e saj të lindjes.

Ende pa u mbushur as një orë nga mbyllja e kutive të votimit, nga numërimi i deritashëm dalin së paku dy fitues të zgjedhjeve për vendin e deputetit në Dhomën e Kantoneve. Anita Fetz nga Partia Socialdemokrate që përfaqëson Bazelin dhe Ivo Bischofberger nga CVP (Kantoni Appenzell Innerhoden) duket se kanë siguruar vendet në këtë dhomë, duke fituar shumicën absolute në rundin e parë.

Fetz, e cila do të jetë për herë të katërt radhazi në parlament, ka fituar 32934 vota ose 66.5% nga votat e dërguara me postë. Rezultati plotësohet edhe nga votat e dhëna drejtpërdrejt në kutitë e votimit por nisur nga epërsia që ka Fetz tash, ai nuk mund të përmbyset

Shumë afër për të arritur në këtë pikë, sipas të dhënave aktuale nga komisionet zgjedhore janë edhe kandidatët e SP-së Daniel Jositch (Cyrih) dhe Pascale Bruderer (Aargau).