Rinumërim votash në Prishtinë dhe Prizren

Të gjitha votat e Prishtinës dhe Prizrenit do të shkojnë në rinumërim. Kështu konfirmoi për “KosovaPress” kryeshef i PZAP-it, Mul Desku, përcjell albinfo.ch.

Ai tha se ankesat e LDK-së për Prishtinën dhe PDK-së për Prizrenin janë pranuar si të bazuara, dhe kështu pritet që në këto dy komuna të ketë rinumërim të përgjithshëm.

Gjithashtu edhe në Dragash pritet të ketë rinumërim, ku gjithashtu rezultati është shumë i ngushtë.

Kujtojmë që në Prishtinë dhe Prizren, më së shumti vota nga rezultatet preliminare të KQZ-së kishin kandidatët e Vetëvendosjes.

Sot, pritet të bëhet edhe numërimi i votave me kusht, nga posta dhe personave me aftësi të veçanta, e që janë gjithsej rreth 12 mijë vota në mbarë Kosovën.