‘Rrezikon’ Xhaka

“Futbollisti i Arsenalit, Granit Xhaka, rrezikon ta zemëron trajnerin Arsene Wenger, për faktin se po stërvitet me klubin FC Prishtina në vendlindjen e prindërve të tij”, shkruan “The Sun”

Futbollisti i Arsenalit, Granit Xhaka, ka vendosur të vizitojë Kosovën për disa ditë. Me këtë rast Xhaka është stërvitur së bashku me futbollistët e Prishtinës pasi dëshiron të jetë në formë për Topçinjtë, shkruan albinfo.ch.

Por, sipas të përditshmes angleze “The Sun”, kjo mund të jetë një arsyeje që trajneri Arsene Wenger të nervozohet me yllin shqiptar.

“Futbollisti i Arsenalit, Granit Xhaka, rrezikon ta zemëron trajnerin Arsene Wenger, për faktin se po stërvitet me klubin  FC Prishtina në vendlindjen e prindërve të tij”, shkruan “The Sun”.

E gjitha kjo pasi besohet se ai duhet të pushonte dhe jo të stërvitet në grup, ku edhe ekziston mundësia për ndonjë lëndim. Xhaka do të jetë në Kosovë për disa ditë para se t’i bashkohet skuadrës së Arsenalit.

Ai nuk ka pranuar të flasë para mediave kosovare se a do të luajë për Kosovën, derisa theksoi se ka nënshkruar për Arsenalin, pasi është klubi më i mirë në botë.