Rriste kanabis për të mbajtur familjen!

Avokati i tij, David Farley ka thënë se shqiptari e kishte bërë këtë vetëm sepse familja e tij në Shqipëri kishte nevojë për para. Ai e kishte bërë këtë për t’iu dërguar atyre para

Mediat britanike kanë bërë të ditur se një shqiptar është arrestuar, pasi në shtëpi i janë gjetur më shumë se 200 bimë kanabisi.

Alban Balla, 28-vjeçar, i cili jetonte në një shtëpi në Biddulph, kishte ngritur një magazinë për kultivimin e bimëve narkotike, shkruan “stokesentinel.co.uk”.

Policia britanike pasi kishte kontrolluar banesën e tij, kishte gjetur 48 bimë në dhomën e gjumit, 40 në një dhomë tjetër dhe 118 në një tjetër, së bashku edhe me 330 fidanë, përcjell albinfo.ch.

Vlera e tyre në tërësi ishte 43 mijë funte ose 76 mijë nëse do të shiteshin ndaras. Shqiptari ka thënë se drogën e kishin lënë disa shqiptarë të tjerë, të cilët do t’ia jepnin atij 4 mijë funte kur bimët do të ishin rritur.

Avokati i tij, David Farley ka thënë se shqiptari e kishte bërë këtë vetëm sepse familja e tij në Shqipëri kishte nevojë për para. Ai e kishte bërë këtë për t’iu dërguar atyre para. Sipas tij, Balla është vetëm një kopshtar, që u përfshi në një skenar të rrezikshëm.

Shqiptari është dënuar me 20 muaj burg.