Rritet numri i turistëve në Zvicër

Foto ilustrim

Gjatë sezonit që sapo lamë pas, në hotelet në Zvicër janë regjistruar 12 milionë turistë, që është për 6 për qind më shumë se në të njëjtën periudhë të një viti më parë.

Siç bën të ditur Zyra Federale për Statistikë në një njoftim të saj, rritja e numrit të vizitorëve ka të bëjë më së shumti me ardhjen e turistëve nga Amerika.

Po kështu, rritja vjen dhe nga trendi i përvitshëm i turistëve nga Gjermania, të cilët përbëjnë numrin më të madh të turistëve që vizitojnë Zvicrën, shkruan ‘monitor’.

Nga ana tjetër, ekspertët pohojnë se në rritjen e këtij tregu ka ndikuar dobësimi i frangës zvicerane, përcjell albinfo.ch.

Në përgjithësi turizmi zviceran po tregon një trend të qartë rritjeje, ka thënë drejtori i Turizmit Zviceran, Jürg Schmid, shkruajnë mediat vendase.