Rritet sërish numri i azilkërkuesve shqiptarë në Gjermani

Numri i shqiptarëve që kërkojnë azil në Gjermani është rritur sërish gjatë muajt shtator. Kjo është bërë e ditur në raportin e fundit të EUROSTAT.

Një vit pasi Berlini futi Shqipërinë në listën e vendeve të origjinës së sigurt, fenomeni i kërkimit të azilit është rikthyer.

Sipas të dhënave zyrtare të BE-¬së, në shtator 2 250 shqiptarë kanë kërkuar azil në Gjermani, që është numri më i lartë për këtë vit, njofton albinfo.ch.

Në janar ky numër ishte 1 200, kurse në mars vetëm 825 shqiptarë u regjistruan si azilkërkues. Por, numri nisi të rritej sërish në verë, duke shkuar në 1 390 në korrik, 1 635 në gusht dhe 2 250 në shtator.

Në total nga janari në shtator 11 895 shqiptarë kanë aplikuar për statusin e azilantit. Ky numër është katër herë më i ulët se sa ishte në vitin 2015, ku mbi 44 mijë veta kërkuan azil.

Albinfo.ch