Rritja ekonomike për Ballkanin Perëndimor do të jetë më e vogël se parashikimi

Situata ekonomike për gjashtë vendet e Ballkanit është përkeqësuar pak.

WZ

Komisioni Europian ka inkurajuar gjashtë vendet e Ballkanit Perëndimor që të mundësojnë tregtinë e lirë mes tyre dhe përmes rritjes ekonomike të tërheqin investitorët e huaj, shkruan “WZ”. Deri Tani BE ka nisur bisedimet e anëtarësimit me Serbinë dhe Malin e Zi.

Në rrugën e zhvillimit ekonomik, duhet të tejkalohet një hendek. Shpesh rajoni shquhet për mungesë të lidhjeve me rrugë, tren ose aeroplanë. Përmirësimi i infrastrukturës është pjesë esenciale e strategjisë së Brukselit, përcjell albinfo.ch.  Instituti i Bankës Botërore së fundi ka ulur prognozat për rritjen ekonomike të Ballkanit Perëndimor në 3.2 nga 3.3 për qind dhe për vitin e ardhshëm 3.5 nga 3.6 për qind (shih foton).

Papunësia mbetet një nga problemet kryesore të rajonit, me kuato mjaft të larta: nga 13.5 për qind në Serbi deri në 30.4 për qind në Kosovë.

Kërkohen investitorë

Në kohët e fundit janë rritur eksportet nga gjashtë vendet e Ballkanit Perëndimor, megjithatë importet janë rritur më tepër – kjo shpie në deficitin buxhetar të vendeve. Kjo në Malin e Zi është 19 përqind të Prodhimit të Brendshëm Bruto, një shifër tepër e lartë. As investitorët që përbënin 11.2 përqind të PBB nuk mund të ndihmonin në balancimin e deficitit.