Sa para do të fitonte Kosova nëse do të kualifikohej në Euro 2020?

EPA/GEORGI LICOVSKI

Përfaqësuesja e Kosovës e ka mbyllur rrugëtimin drejt kualifikimit në Kampionatin Evropian “Euro 2020”, pas humbjes së mbrëmshme në gjysmëfinalen e Ligës së Kombeve, raporton Insporti.

Në “Todor Proeski” në Shkup, “Dardanët” janë përballur me Maqedoninë e Veriut.

Skuadra që drejtohet nga Bernard Challandes është mposhtur me rezultat të ngushtë 2:1.

Kjo humbje nuk e dëmtoi ekipin përfaqësues të Kosovës në aspektin sportiv, por edhe në atë financiar.

UEFA kishte ndarë 9.25 milionë euro të destinuara të shkojnë për të gjithë federatat që kualifikohen në grupe të Euro 2020.

Çdo fitore në grup vlen 1.5 milion euro, ndërsa barazimi 750 mijë euro, ndërsa kualifikimi nga grupet sjell edhe dy milionë euro të tjera ekstra për kombëtaret, shkruan insajderi, transmeton Albinfo.ch.

Kështu, moskualifikimi u ka kushtuar Dardanëve rreth 10 milionë euro në aspektin financiar.