Tematike
Sa “zviceran” është Swisscom-i, kur çdo i pesti punëtor punon nga jashtë?
Sipas kritikëve, me shpërndarjen e punës jashtë Zvicrës, vihet në pikëpyetje "kualiteti zviceran" i shërbimeve të Swisscom-it. Përmendet edhe Kosova
![](https://www.albinfo.ch/wp-content/uploads/files/swisscom-587x396.jpg)
Kompania “publiko-private” Swisscom, më e madhja në lëmin e saj në Zvicër, ndodhet aktualisht në shënjestër të sulmeve mediale dhe nga politika e vendit. Shkak është bartja e punës jashtë Zvicrës, që kjo kompani po bën me të madhe viteve të fundit, transmeton albinfo.ch. Kështu, tashmë afër çdo i pesti punonjës i Swisscom-it vendin e punës nuk e ka në Zvicër.
Nga rreth 17.000 punëtorë sa numëron gjiganti zviceran i telekomunikacionit etj., mbi 3600 punojnë në vende të huaja. Më së shumti janë në Lituani (Riga) dhe në Holandë (Rotterdam).
Në këto rrethana, përfaqësuses të politikës federale shprehin shqetësimin se “sa zvicerane” ka mbetur tani kompania gjysmështetërore, Swisscom! Sipas tyre, me shpërndarjen e tillë të punës, vihet në pikëpyetje “kualiteti zviceran” i shërbimeve të Swisscom-it.
Megjithatë, kreu i kompanisë, Christoph Aeschlimann, e mbron këtë praktikë, duke e arsyetuar atë me faktin se në tregun zviceran ka mungesë të madhe të kuadrove IT. Ai nuk pranon që kjo po bëhet për të kursyer, ndonëse është evidente se me pagat që Swisscom ofron në Lituani, për shembull, (2300 deri 3000 euro bruto) zviceranët specialistë të IT as që “do të hapnin kompjuterin”, shkruan blick.ch.
Në mesin e vendeve ku Swisscom ka “shpërndarë punën”, ndonëse në mënyrë indirekte, bën pjesë edhe Kosova, transmeton albinfo.ch.
Në vitin 2022, një firmë partnere e Swisscom-it kishte hapur një Call Center në Kosovë. Ngjashëm ka ndodhur edhe në Poloni dhe në Bullgari. Por Aeschlimmann e relativizon këtë, duke thënë se “në Kosovë janë vetëm 45 punonjës që merren me klientët e Swisscom-it”, përcjell albinfo.ch. Dhe, si krahasim, ai sjell shifrën prej 1500 punëtorëve të Call-center-ve, sa i ka gjithsej kompania. Rreth gjysma e tyre punojnë në Zvicër.
Të ngjashme
Të tjera nga Tematike
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n