Sarkozy – Hollande: Akuzojnë njëri-tjetrin në debatin televiziv

Në ballafaqimin e mbrëmshëm televiziv të fundit para zgjedhjeve presidenciale që mbahen këtë të diel, presidenti aktual i Francës, Nicolas Sarkozy, dhe kandidati socialist për president, François Hollande, kanë shkëmbyer akuza të rënda në adresë të njëri-tjetrit..

Në duelin e nxehtë televiziv, Sarkozy tha se rivali i tij nuk është i kualifikuar, që gjatë periudhës së krizës, për ta udhëhequr ekonominë e Francës, e cila është ekonomia e pestë në botë për nga madhësia.

Ai e ka akuzuar kandidatin socialist për përdorim të “formulave boshe”.

Nga ana tjetër kandidati i Partisë Socialiste, François Hollande, e ka akuzuar Sarkozin se e ka ndarë Francën dhe ka theksuar se gjatë presidencës së tij, papunësia ka arritur në 10% dhe se borxhi publik dhe deficiti tregtar kanë shënuar rritje në nivel rekord.

Sipas hulumtimeve të fundit të opinionit udhëheq Hollande.

Për Sarkozinë, ku debat ka mundur të jetë shansi i fundit i ripozicionimit në garën e kryesuar nga Hollande.

Presidenti aktual, megjithatë, ka shfrytëzuar maksimalisht aftësitë e tij debatuese përballë rivalit që nuk ka asnjë eksperiencë me poste qeveritare.

Debati u transmetua drejtëpërdrejtë nga disa stacione televizive dhe arriti një shikueshmëri rekord.