Serbi-Shqipëri, shtyhet sërish vendimi në Lozanë

Gjykata e Arbitrazhit Sportiv në Lozanë ka shtyrë sërish vendimin për ndeshjen Serbi-Shqipëri që është luajtur më 14 tetor të vitit të kaluar në Beograd.

©albinfo.ch: Gianni De Biasi

Gjykata e Arbitrazhit Sportiv në Lozanë ka njoftuar se vendimi do të kumtohet më 10 korrik, thuhet në një deklaratë të shkurtër të Zyrës për Media, shkruan albinfo.ch.

Kjo është shtyrja e dytë që Gjykata e Arbitrazhit Sportiv ka bërë për vendimin e rëndësishëm. Fillimisht, institucioni me seli në Lozanë bëri të ditur se vendimi do të jepej në 29 maj, por më pas pati një shtyrje për në datën 12 qershor ndërsa sot ka shtryë për 10 korrik.