Futboll

Shaqiri para ndeshjes me Yllin e Kuq: Pres fishkëllima, por sporti nuk është politikë

Të mërkurën në Angli do të përballen Liverpooli dhe Ylli i Kuq i Beogradit

Xherdan Shaqiri ishte në qendër të vëmendjes, pasi shënoi golin e fitores për Zvicrën ndaj Serbisë në Kampionatin Botëror.

Shaqiri ishte fyer gjatë gjithë ndeshjes nga tifozët serbë, dhe në fund festoi me shqiponjë, shkruan albinfo.ch.

Serbët e morën këtë si provokim, derisa Shaqiri u dënua me 10 mijë franga nga FIFA.

Nesër Liverpooli ndeshet me Yllin e Kuq të Beogradit, derisa ylli shqiptar ka folur para ndeshjes.

“Do të jetë një ndeshje si çdo tjetër. Në fund, kjo është vetëm një lojë futbolli. Është e rëndësishme dhe duam të fitojmë, por sporti nuk është politikë. Ndoshta do të ketë prej atyre që do të më vërshëllejnë, por për mua është pothuajse si çdo takim tjetër”, është shprehur Shaqiri.

Kjo ndeshje do të zhvillohet në kuadër të Ligës së Kampionëve, ku në grup janë edhe Napoli dhe Paris Saint Germain.