SHBA: Të fillojë menjëherë zbatimi i marrëveshjes

Ambasadori i Shteteve të Bashkuara të Amerikës në Kosovë, Jeffrey Hovenier, ka përgëzuar Kosovën dhe Serbinë për marrëveshjen e arritur në Ohër të shtunën.

Megjithatë, ka shtuar se duhet të fillojë menjëherë implementimi i saj.

“Një marrëveshje e rëndësishme është arritur. SHBA-ja do të ofrojë përkrahje për zbatimin e plotë të këtyre detyrimeve në përputhje me angazhimet tona afatgjate për të avancuar sigurinë, stabilitetin dhe prosperitetin për popullin e Kosovës dhe të rajonit”, ka shkruar Hovenier, përcjell albinfo.ch.

Kosova dhe Serbia të shtunën në Ohër arritën marrëveshje për planin e zbatimit të marrëveshjes për normalizim të marrëdhënieve.