Shkalla e papunësisë mbetet në 3.2 përqind

Situata në tregun zviceran të punës ka mbetur praktikisht e pandryshuar në muajin shtator.

138’226 papunë janë të regjistruar në Zvicër. Kjo korrespondon me një normë papunësie prej 3.2 për qind.

Më të prekur janë grupmosha 25-49. Numri i të papunëve, megjithatë, u rrit me rreth 1.200 persona.

Në fund të shtatorit rreth 138’200 persona janë të regjistruar në qendrat rajonale të punësimit (RAV). Kjo u njoftua nga Sekretariati i Shtetit për Çështje Ekonomike (SECO). Në fund të gushtit, kanë qenë të regjistruar rreth 137,000.

Pjesa më e madhe e rritjes së papunësisë i atribuohet grupit të moshës 25 deri 49-vjeçarëve. Në këtë grup-moshë, numri i të papunëve u rrit me rreth 900 persona. Në grupmoshat mbi 50 vjec, numri i të papunëve u rrit me rreth 300 persona ndërsa në mes moshës 15 dhe 24 vjeç në vetëm 59 persona.

Nëse shifrat aktuale të papunësisë krahasohen me ato të shtatorit të vitit të kaluar vërehet një rritje më e madhe. Në përllogaritjet vjetore numri i regjistruarve në RAV u rrit me rreth 8300 persona. Në shtator të vitit 2014 shkalla e papunësisë ishte 3.0 për qind.