Shkup: Policia arreston rreth 30 veta për trafikim droge

Policia në Shkup thotë se ka arrestuar 29 tregtarë të dyshuar të drogës, të lidhur me unaza trafikantësh në Gjermani dhe Austri, gjatë ndërhyrjeve në gjithë Maqedoninë.Zëdhënësi Ivo Kotevski tha se policia kishte bastisur shtëpitë në kryeqytetin Shkup dhe në tri qytete të tjera, në operacionin, të cilin me informacione e kishin ndihmuar autoritetet e Gjermanisë dhe të Austrisë.Ai tha se të pandehurit janë të dyshuar për lidhshmëri me rrjetin e trafikimit, i njohur si “Frankfurt Mafia”, i përqendruar në qytetin Veles në Maqedoni dhe poashtu në Frankfurt të Gjermanisë dhe Vjenë të Austrisë. Policia nuk ka dhënë më tepër detaje, por tha se ndërhyrjet po vazhdojnë në tri shtete