Kosova

Shpallet i pafajshëm kosovari i akuzuar për pjesëmarrje në luftën në Siri

E premte, 15 Dhjetor 2017 - 12:40 albinfo.ch

Është shpallur i pafajshëm Artan Kadriu, që akuzohej për terrorizëm.

Kadriu, që akuzohej se në vitin 2016, u ishte bashkuar grupeve paraushtarake të përfshira në luftën e Sirisë, u lirua nga të gjitha aktakuzat.

Sipas trupit gjykues, nuk u gjet asnjë provë se i akuzuari kishte kryer veprën penale për të cilën akuzohej.

Prokuroria pretendonte se Kadriu ka kryer veprën penale bashkimi apo pjesëmarrja në ushtrinë apo policinë e huaj.

Në seancën e kaluar Kadriu ishte deklaruar i pafajshëm, ndërsa kishte thënë se pranon gjykimin veç me ligje të Allahut, shkruan “Kallxo”.

Kadriu ishte arrestuar në Turqi.

 Të tjera nga Kosova

Ish-presidentja e Kosovës, Atifete Jahjaga mohon çdo lidhje me dosjen “Epstein”

 E-Diaspora

 Jeta në Zvicër