Shpërthim zjarri në një shtëpi të azilkërkuesve

Në Hohenrain të Lucernit mbrëmë ka shpërthyer zjarri në një shtëpi për pranimin e azilkërkuesve. Bëhet fjalë për një strehimore të vjetër prej druri, në të cilën janë vendosur emigrantët.

Zjarrfikësit dhe ekipet e shpëtimit ishin në vend të ngjarjes.

Ngjarja kishte ndodhur përafërsisht rreth orën 19.30 në një shtëpi të azilit në Hohenrain të Lucernit.

Policia kishte konfirmuar për mediat zvicerane se ekipet e zjarrfikësve kishin bërë përpjekje për shuarjen e zjarrit.

Shkaktari i zjarrit dhe numri i viktimave nuk janë bërë të njohura nga policia.